Ұстаздар күні 2019

Оқушыларды ұстазды құрметтеуге, сыйлауға үйрету, ұстаз мамандығының қыры мен сырларын түсіндіру.Ұстаз еңбегін әрқашан бағалай білуге үйрету мақсатында Жамбыл атындағы гимназияда «Ұстаз-ұлы есім», «Ұстаз-мектептің жүрегі» атты сынып сағаттары өткізілді.
Ұстаз балаларға ең басты және қымбат байлық-білім береді. Болашақтың дарасы мен данасын ата-анадан соң мұғалім тәрбиелейді. Осыған орай 4 қазан ұстаздар күніне орай мерекелік кеш өткізілді. Осы іс-шарада «Жас Ұлан »
және «Жас Қыран » ұйымы ұстаздарға арнап өз қолдарымен гүл шоқтарын жасап,арнайы құттықтаулармен табыс етті. Сонымен қоса «Тілектер қоржынын» жасап, құттықтау хаттарын жазды. Құттықтау қағаздарын таратып,ардагер ұстаздарымызды мерекелік жиынға шақырып сый құрметтерін көрсетті. Мектебіміздің арнайы АКТ залында ұйымдастырған оқушылардың мерекелік іс-шаралары жалғасын тапты. 11 сынып оқушылары өз өнерлерін көрсетіп, ұстаздарға ақ тілектерін айтып,қошеметтерін білдіріп, гүлшоқтарын тарту етті.